金像獎2023｜姜濤唱《風雨不改》緊張到狂手震 網民讚好聽有感情
撰文：鄧穎琪
出版：更新：
《第四十一屆香港電影金像獎頒獎禮》今晚（16日）舉行，姜濤憑《阿媽有咗第二個》的電影主題曲《風雨不改》首次入圍「最佳原創電影歌曲」獎，他事前已表示對上金像舞台獻唱十分緊張，見他演唱時手都震埋，幸冇影響發揮，連搶口的網民都讚他今晚表現不錯。
姜濤憑主演電影《阿媽有咗第二個》主題曲《風雨不改》首次入圍「最佳原創電影歌曲」，他早前受訪已表示開心，但對於要踏上金像舞台獻唱此曲，他表示非常緊張，更向去年入圍同一獎項的MIRROR隊友柳應廷請教。
姜濤行紅地氈時，已表示對上金像舞台獻唱好緊張。（資料圖片）
由於今晚部分表演單位演唱時都有失準，向來對姜濤盯到實的網民們，事前亦擔定櫈仔留意其表現。到最後他獻唱時確實明顯超緊張，揸咪都手震，不過他的表現並沒失準，唱得幾穩定，明顯有練歌。自從年初《叱咤樂壇流行榜頒獎典禮》的表演後，姜濤唱Live的演出以至一舉一動皆成為網民焦點，有人留言好奇他會否突然衝下台，但連嚴苛的網民都讚今次姜濤唱得幾好、表現過關、發揮不錯，感受到他有用心唱。
姜濤緊張到手震，但表現令網民眼前一亮。（電視截圖）
雖然姜濤最終未有憑此曲獲獎，但敗給天后鄭秀文絕對是雖敗猶榮，而他行紅地氈時已講過平常心面對，表示：「入圍已經係一個好大嘅肯定！」
金像獎2023完整得獎名單?今年由誰勇奪影帝后?
《給十九歲的我》有沒有任何獎項?
《給十九歲的我》校方拒交片，提名片段都只出相片。在現場，都只有聯合導演及部分參演英華女校學生，未有受訪。《給十九歲的我》今年有得到金像獎最佳電影，一文看清爭議時序。英華女學校在頒獎典禮後於校網發聲明，即睇。