撰文：江智騫 彭嘉彬
出版：更新：
大大話話原來側田自從2015年後，已經2年時間冇喺香港開演唱會。平時電視節目就見得多，昨晚（9日）《側田Chapter Free演唱會2017》香港站終於喺紅館舉行，與香港樂迷近距離接觸。今次演唱會採用鑽石形舞台，讓樂隊成員一起坐在台上演出，相當氣派。攝影：江智騫，撰文：彭嘉彬，編輯：徐尉晉
大概晚上8點35分，全場近呼滿座，側田以一身紅色Bling Bling長袍出場，並唱出第一張專輯《Justin》內的代表作《我有今日》及《好人》，「I'm alone, I'm alone」。（江智騫攝） 事隔12年，雖然側田在演繹上有所改變，減少了自卑及孤僻感，但他的音色依然中音甜高音準，令香港樂迷回憶都返晒嚟！（江智騫攝） 當側田唱k房必點歌之一《三十日》時，隨便在副歌空出兩句，全場歌迷也能即時接上，就似每位也在開騷前先到K房溫習完一輪。（江智騫攝） 側田在台上清一清喉嚨時表示：「死啦，唱咗幾首已經有啲沙聲，今晚仲有成三十首要唱，睇嚟今晚首首都要全場大合唱。」（江智騫攝） 兩年半沒見香港歌迷的他感慨表示：「每次開騷我都好似搞結婚咁。深信大家工作都忙，依家約個朋友食飯都好難，一年見得一次。所以我開演唱會就好似有個機會畀大家聚會咁。」（江智騫攝） 為了今次演唱會，側田特意找來填詞人陳詠謙為他的作品《矛盾一生》重新寫詞，讓他以舊曲新詞演唱《矛盾一生》。（江智騫攝） 他說：「哩首歌本來係女仔唱比男仔聽嘅，我叫陳詠謙填返一個男仔嘅版本，佢填詞嘅時候同我講個idea，我話首歌好似講緊『逼婚』，佢話其實唔係講『逼婚』，我就同返佢講，我意思係英文嗰個『Big Fun』，希望大家都會鐘意呢個版本。」（江智騫攝） 他在舞台上的紅地毯慢步再出場，唱出《命硬》，同樣與12年前的版本有所不同，編曲上比以前豪華豐富得多，與樂隊的互動也更強，而樂迷也一起合唱出這首「年代回憶」。（江智騫攝） 側田當年有唔少快歌一樣係ｋ房熱門之選，包括《決戰二世祖》及《Volar》。（江智騫攝） 隨後更有不少滄海遺珠，如《運》、《很想很想說再見》等。而這個部份的爵士味亦相當濃，《B.O.K.》、《紅地毯》、《爽》，在搖擺的節奏下，讓全場觀眾也熱鬧起來。連帶其後唱出慢歌《不經不覺》及《男人KTV》時，樂迷氣氛仍然相當高漲。（江智騫攝） 正當大家以為演唱會完結，大叫Encore時，側田再次與Dancers現身台上，唱出連串快歌Medley，包括《眼睛想旅行》、《See You Again》、《煞科》、《心急人上》、《你唔愛我啦》、《越唱越強》等。（江智騫攝） 
