【BB來了】李佳芯演媽媽情緒起伏好入戲　生仔似走過鬼門關無誇大

十指痛歸心，當夾手指都係得5級痛，生仔十級痛真係非正常人能想像，就算唔係順產唔使經歷陣痛，無端端俾人剖腹再縫返七層皮肉，嗰種滋味真係諗起都驚。TVB新劇《BB來了》入面，Ali明明未為人母，卻能演活將孕婦情緒起伏心路歷程，由剛有孕到入手術室生BB，整個過程血淋淋呈現喺觀眾眼前，見到Ali喊住問醫生：「係咪我做錯啲咩嘢整到BB，點解會咁嘅？」唔少觀眾邊睇邊同佢一齊默默落淚。

【BB來了】女強人忽然Bingo做媽媽 李佳芯忐忑心情網友讚有共鳴

Ali去完公司Party忽然下體出血，醫生檢查後告知，子宮出血情況似胎盤剝落，會影響輸血同營養俾BB，嚴重起嚟可能會胎死腹中。陀住BB十個月血脈相連，忽然被告知可能無法順利出世，Ali情緒完全爆發出嚟，不顧靚樣崩潰濠哭：「係咪我做錯啲咩嘢整到BB，點解會咁嘅？」其實胎盤剝落可以係原因不明，100位孕婦中1位有機會遇上，即係莫需有，點會唔傷心。

【BB來了】李佳芯盧苑茵展婆媳大戰 新抱奶奶永遠睇對方唔順眼？

劇中Ali懷孕期間，小心飲食勤於做運動，目的就係令肚內BB健康成長得嚟唔好過重，順產時無咁辛苦。點知遇上意外情況需要緊急開刀，九個月以來嘅努力完全白費，Ali都扁咀喊晒咁嗌：「唔好啦我咁努力做帶氧運動，就係想順產呀嗎。」或者大家覺得佢太唔理智，只係貪靚唔想留有疤痕，但順產剖腹只係先苦後甜同先甜後苦之分。順產經歷十級陣痛後生完一日已經行得走得，而剖腹傷口可以痛成個月，進補又要延遲，仲無咁快可以上奶，而且有咩閃失隨時會令子宮爆裂有性命危險﹗

私家醫院生BB雖然有較好照顧，順產開刀老公都可以陪產，但緊急開刀手術就只能獨自面對。Ali瞓喺病床上被推去手術室，未知自己同BB生死，老公黎諾懿又未能陪伴左右，喊到生離死別一樣，經歷過嘅媽媽觀眾都話，真係一啲都無誇張。瞓喺手術室望住盞燈，打咗麻醉針個人不受控地震，雖然無痛感但FEEL到醫生一層一層劏開自己個肚，又唔知BB情況，真係非常無助架。

BB出咗世大家就以為有好日子過咩？完全錯晒啦﹗剖腹後麻醉藥過晒傷口開始痛，姑娘入嚟塞藥到肛門好似無晒尊嚴一樣；第一次落床時，Ali同黎諾懿見到成班媽媽喪屍出籠一樣，忍痛都要行落床去見BB一面；成班媽媽圍住學餵人奶要坦胸相對，姑娘出手糾正，未上奶俾BB啜到乳頭損晒，以上種種都係永世難忘。女觀眾話有共鳴，就算男觀眾都話睇完要孝順媽媽，就知道劇情係幾咁寫實啦。