刑偵12｜演張振朗第三人格嚇親街坊？　黎澤恩：管理員唔敢望我

TVB劇《刑偵12》播出，飾演刑凱（張振朗 飾）第三個人格的黎澤恩（Ronny）人氣急升。今日（13/6）他和馬國明、胡㻗及梁采貽受邀出席汽車店開幕儀式。他接受《香港01》訪問時表示，為劇集受歡迎而感到高興。「劇集受歡迎，比自己搵到錢更加開心。」

TVB劇《刑偵12》播出，飾演刑凱（張振朗 飾）第三個人格的黎澤恩人氣急升。（林迅景 攝）

他說：「呢個係大家嘅成就，因為就如監製咁講，劇係一時，演員係更加長久，一套劇幫到一個演員，令到更加多人認識係好緊要。（之後仲有其他工作？）公司仲有安排，但係未透露畀我聽，哈哈。」

他在劇中飾演一個癲狂的人格，問及出街時有沒有嚇親街坊，他就回答：「我比較夜返屋企，所以街坊見我唔到。我都係跟返個人格作息出沒嘅，哈哈。唯一見到我都係個管理員，不過而家個管理員都係耷低頭唔敢望我，哈哈哈。」他表示，現時劇集播出當中，他都會和其他演員合作「谷」劇，火時約埋一齊開直播與觀眾，粉絲一齊討論劇情，拉近與粉絲們的距離。