薛凱琪演唱會尾場多次落淚　呼籲粉絲：攞我啲愛去畀其他人

薛凱琪(Fiona)於麥花臣舉行《夢之途中 薛凱琪音樂紀2017》尾場，音樂會中段，Fiona最少3次哽咽，有觀眾心痛高聲叫她加油。

Fiona音樂會期間多次落淚。（梁碧玲攝）

後來Fiona又感觸談到快樂，籲大家多關心和傳達愛給身邊人:「曾經快樂對我嚟講，有時出現有時走咗，走咗係覺得我缺乏某啲嘢，做得唔夠好，但近年我常常快樂，細心睇下個天好錫大家。我同你哋都一樣，需要嘅人擺咗係身邊，懂得就會快樂，你冇嘅係你唔需要嘅，學識依樣嘢，就會好快樂，而我第二樣最快樂係將依樣咁簡單嘅畀大家。」

Fiona在音樂會上又多次講到今次的音樂舞台劇，是她的其中一個小心願，小任性:「短時間內冇開show，好想快啲同大家見面，個半月台前幕後幫我達成個心願，教識我要搵另外嘅嘢去做，上天好善良，畀落你想你享受生活，一定有愛嘅地方，另一樣係你要付出，落到地球唔付出都唔知做咩，付出咗最終一定有回報。」

唱完《Dear Fiona》後，Fiona又再次落淚，談到曾在訪問中被記者問到最想同fans說甚麼，Fiona邊哭邊說:「最想唔係講多謝，12年入面好多fans經歷同我相似，會同我講我畀好多能量希望大家，叫我要唱多啲歌演多啲戲，雖然唔係紅館，但千幾位都好緊要，希望有一日唔使靠我畀能量你哋，希望你會乖，攞住我啲愛，有一日我都會老㗎囉，攞我啲愛去畀其他人，你哋每一個都係Fiona，多謝你哋。」

Encore時，Fiona以一身黑白色衫登場，更即場教大家跳簡單舞步，唱完《唇印》後再捉沒有乖乖跳舞的粉絲上台，其中Fiona雖然發現薛媽媽沒有跳，但卻偏私沒有叫媽媽上台:「但算啦，唔係今晚返去冇飯食。」集齊粉絲後，有台下觀眾提議跳《886》，雖然沒有排練過這首歌，但Fiona還是教了粉絲舞蹈，又清唱了幾句。到音樂會尾聲，Fiona又應歌迷要求清唱了幾句《趕》，唱到最後一首歌《慕容雪》時，Fiona再次哽咽，更因為頭幾句唱得不好要求再唱一次，盡顯專業精神。