陳柏宇親證入紙7月2日結婚 最怕玩新郎環節玩到忟憎
撰文：鄺鈺瑩 施玲玲
出版：更新：
陳柏宇的感情世界一向透明度甚高，跟女友符曉薇亦不時在社交網站曬恩愛，坦率態度反而深得歌迷喜愛，由同居試婚、求婚到影婚紗相都是公平公正公開地處理，也一早開心share婚訊，將於7月2拍拖6周年當日「從此被困」，最近自然忙於籌備婚事。今日有報道指二人已入紙註冊，陳柏宇聞言笑謂很開心結婚入紙都成為新聞材料，又疑惑為什麼大家對他入紙那麼好奇：「唔係一定要入紙嘅咩？」柏宇，「無言一單新聞侵襲你心」，其實原因好簡單，因為大家仍寧願聽你親口講，你就結婚。
對於入紙這回事，陳柏宇透露昨日才跟未婚妻符曉薇見律師了解流程，但沒想到會成為新聞，「不過唔緊要啦，都唔係秘密，秘密結婚入紙無人知就話要回應啫，公開入紙結婚都要回應，多謝大家關心。」雖然陳柏宇把婚事交給女友處理，但原來有一件事他相當有意見，就是接新娘玩新郎環節，「我問Leanne為什麼要有呢個環節，佢答個個人都係咁，但都唔係一個解釋嚟㗎嘛，我話可唔可以反傳統玩新娘，佢話唔得，咁就玩。」陳柏宇補充全因怕玩到忟憎，好彩到時會有很多兄弟，可以用來頂一些他不想玩的遊戲，「開門利市真的完全無諗過，剛剛才知傳統要派利市畀兄弟，希望各姊妹高抬貴手，你知我想結婚之後養妻活兒㗎嘛，畀晒啲錢你，我個仔食咩呢？」
以下加插放閃環節，單身人士請小心食用。
+11
