周吉佩4歲偶遇張衛健合照 相隔多年再次碰頭:感受很深

周吉佩4歲偶遇張衛健合照 相隔多年再次碰頭:感受很深
撰文:吳子生
出版:更新:

周吉佩(吉吉)今日(16/6)現身將軍澳電視城出席《大師兄Welcome Summer大激戰》記者會。對於日前在社交平台公開4歲時與張衛健合照珍貴出土,三十多年前的張衛健(Dicky)仍有一頭濃密黑髮亦成焦點,惹起網上關注。

周吉佩4歲偶遇張衛健合照 。
周吉佩4歲偶遇張衛健合照 。

吉吉接受《香港01》訪問時表示:「記得嗰陣時我得4歲,媽咪帶住我,我哋喺街度撞到Dicky,然後就影咗嗰張合照,而呢張相一直都放喺相薄度。去到我21歲嘅時候我同佢有一個嘅合作,同佢唱佢一首電影嘅主題曲,而喺呢一次嘅碰面我都有攞張相俾佢睇,而跟住最近大家又見返,雖然時隔都好多年,但大家見返都好開心,Dicky都有鼓勵我俾心機,變咗嗰一刻嘅感受係好深。變咗返去再搵返呢張相,希望可以透過媒體嘅朋友,可唔可以將張相send俾佢。」

吉吉續說:「相反我個仔佢仲緊張過我,因為佢最近翻睇Dicky嘅作品《西遊記》好鍾意佢,咁所以知道我會同Dicky會同台見面,佢就俾短訊我 ,千叮萬囑叫我一定要同Dicky影相俾佢睇,最終我係影咗俾佢睇。」

吉吉今日出席節目記者會。(陳順禎攝)
吉吉今日出席節目記者會。(陳順禎攝)
+1
正在加載