【流行經典50年】 高海寧唱《Lemon Tree》小清新　有初戀感覺呀

《流行經典50年》昨晚請來了高海寧上節目獻唱一曲《Lemon Tree》。相信電視機觀眾對佢都不會陌生，高海寧由2000年開始經「香港小姐競選」而入行簽約成為TVB藝人。高海寧入行18年，雖然拍攝過的劇集不算多，不過其初出道時的性感形象，卻在傳媒以及普羅大眾心中留下深刻印象。

這次高海寧在台上唱了經典名曲《Lemon Tree》的國語版。台上的高海寧雖然就台風略為欠奉，只懂左右搖擺，但是聲線卻十分甜美，聽起來會令人有戀愛的感覺，相信現場聽的話會更加好。高海寧演唱完畢後，家燕姐仲讚高海寧「人靚聲甜」「唱得好掂」。而高海寧又覆返一句「做藝人最緊要瓣瓣掂，就好似家燕姐咁」。最後高海寧仲話：「好多謝可以上呢個節目，咁就可以多啲登台show。」其實TVB可以試下俾機會高海寧，好似黃心穎咁唱下劇集主題曲，話唔定會好受歡迎㗎。高海寧作為一個演員都唱得咁好聽真係有啲意料之外。