世界桌球巡迴賽(World Snooker Tour,簡稱WST)周三(26日)宣布,三屆女子世錦賽冠軍、香港球手吳安儀提早鎖定年終世界排名前兩位,意味會在25/26球季重返職業賽,未來兩季可出戰WST賽事。
吳安儀曾在2021至23年首次取得出戰職業賽的資格,並在2022年在威爾斯公開賽擊敗中國球手吳宜澤,成為她生涯首場職業賽勝利。
相隔兩年重返職業賽,吳安儀向傳媒發表感言時,坦言:「呢兩年時間好漫長……今年距離季尾仲有兩站排名賽,不過前兩日收到通知分數差距已足夠重返下季職業賽,聽到呢個消息,我喺條街激動到喊咗出嚟。」
吳安儀早前在IBSF世界6個紅球賽奪冠。(公關提供) 她回想上次獲得職業賽資格時,在兩年的資格期尾聲,在好幾個關鍵賽事失準,「我好記得一年世錦賽決勝局,我坐喺觀眾席,只能夠希望其中一方勝出,咁我就可以掹車邊攞到職業資格。最終當然冇發生,自己當然失望,因為自己條路由別人去主宰,個感覺係好差,亦感受到冇左呢個機會有幾痛。所以我應承自己一定要憑自己爭取返嚟。」
現年34歲的吳安儀也透露,今次也許是她最後一次出戰職業賽:「不過因為桌球又再次重提剔出精英項目,喺欠缺資助下,呢個可能係我最後一次參加職業賽啦,當下我當然最希望清楚知道項目嘅未來去向,畢竟對體院、對我、對教練同其他少青都有好大影響。」桌球因不屬亞運和奧運項目,或會失去體院精英項目資格。
她最後表示:「不過無論點都好,而家冇咗個包袱,希望喺餘下嘅女子公開賽賽事中,我可以輕鬆少少去作賽,享受其中,而渴望咗兩年要重返嘅職業巡迴,而家失而復得,期待之餘,我亦必定會好好把握呢次機會,盡量發揮到自己水平,唔會令大家失望 。」