【一首歌】容祖兒《怯》講少女暗戀矛盾 「甚麼都想甚麼都怯」

撰文:許栢倫
出版:更新:

容祖兒的Side Track演唱會4月15日便是尾場,擁有600多首作品的她,就連Side Track都足夠開個精彩的演唱會,唔到你唔服。祖兒的作品風格可謂隨年月改變,初出道時她的歌曲非常重少女心事,講到年青人的心中所想,例如《再見我的初戀》﹑《痛愛》﹑《逃避你》等等都是大熱之作。

所謂「怯」就輸足一世,雖然膽要慢慢練大,但對愛情毫無經驗,眼看身邊友人因為失戀而瘋瘋癲癲,自然會驚。《怯》可以說是典型K歌,由林夕填詞,歌詞講述少女投入戀愛前的一些「心事」,其實就是暗戀上的胡思亂想,例如「我怕,我的聲音你已聽得太多」,林夕以淺白的例子,道出「怯」的心理。

少女究竟杞人憂天得多嚴重?就是「天天失眠」,不過她都知道想太多。「為何還沒有初吻便要怕失戀,約會未完便掛念」,「為何還沒有吵架,便怕與你開戰」,其實她亦知道戀愛應該要勇敢,「然而據說,愛得精彩別要貪生怕死」,不過就是未能克服自己心理,說到底,就是自己「甚麼都想甚麼都怯」。

陳方藤感激舊愛容祖兒拉隊撐場:佢嘅出現係對生意係有幫助

撰文:吳子生
出版:更新:

容祖兒舊愛陳方藤(Meter)今日(2/6)現身電視城出席無綫節目《人生美食地圖-東京篇》記者會。對於早前他新店開張生意未穩定,祖兒就拉大隊去撐場,盡顯有情有義。

祖兒就拉大隊去撐場。
祖兒就拉大隊去撐場。

Meter就事件接受《香港01》訪問時表示:「佢嘅出現,係多咗好多小紅書,對生意係有幫助。不過明白而家好多人返內地消費,變咗成個潮流都轉變咗,已經唔可以用以前嘅方程式去做,始終我哋嘅成本性價比,莫講話內地,連鄰國或日本都係我哋嘅競爭對手,變咗係難咗,唯有搵方法。(祖兒落鋪拍片前有通知?)我係知,而佢本身一直都有同我講想落嚟食,咁所以佢落嚟前有同我講。(多咗流量有冇多謝祖兒?)哈哈,咁都要多謝,不過又唔使講到出口,大家心照。(大家好耐冇見?)其實大家有時都會聯絡,但見面就少,始終大家各有各忙。(有否想過一齊做生意?)咁梗係唔會啦,我覺得藝人唔應該做生意,我覺得做返自己嗰樣嘢,無啦啦做生意怕冇時間去管。(留返俾你管!)咁當然係啦,但我又唔需要拍檔嘛,天下咁多人,點解要同佢拍,哈哈。(搞咗咁耐生意從來冇夾其他人?)我做生意咁耐從來都冇,因為煩少樣嘢。」

Meter透露在港營運3間食店。(吳子生攝)
正在加載