梁靖琪擔心愛子Roman上台表演跳芭蕾舞發台瘟：怕佢唔記得點跳

梁靖琪（Toby）和老公施雋賢（Jon）今日（27/8）帶同囝囝施睿文（Roman）現身北角參與匯演演出。提到囝囝Roman一陣要上台表演跳芭蕾舞，Toby直言戥他緊張：「原先我哋嚟度都冇咁緊張，但唔知點解等下等下就突然緊張起嚟，怕佢到時上台唔記得點跳。不過大會應該一陣會畀佢踩台，熟習一下嘅，希望一陣佢一陣唔好唔記得點跳啦。」

被問到為何安排愛子學跳芭蕾舞？Toby表示：「其實佢都學咗大半年，我當初點解畀佢學，係因為佢啲筋骨好硬，加上跳舞又係健康運動，咁所以就幫佢報名學跳舞。不過我老公都有問我，好似冇乜男仔嚟學，我就同佢講唔使咁緊張，係有嘅不過唔多囉，哈哈！而我個囝都學得好開心，完全冇問題。」