信銀國際宣布，推出新虛擬信用卡，新卡可於15分鐘內經數碼平台即批即用。信銀國際替任行政總裁簡吳秋玉表示，期望新卡可帶動新卡發卡量於年內倍升。
料開卡需時僅約15分鐘
信銀國際個人及商務銀行業務部存貸業務及客戶策略執行總經理姚文傑介紹指，新的「Motion虛擬信用卡」不設實體卡，新舊客戶均可用手機遙距開卡，無需地址證明及收入證明，其後亦可即時連結電子錢包使用，預料全程需時約15分鐘，較過往的3至7天大減。
他補充，不提交收入證明的客戶，可獲1萬元信用限額，日後亦可循電子平台補交證明文件，以提高信貸限額。
簡吳秋玉續稱，隨着該行服務日趨數碼化，期望未來2至3年該行的新客數目倍增，並希望循數碼平台申請開戶的比例，由現時的25%增至5成。
信銀國際同時宣布，推出面向專業投資者的流動證券交易平台，並與中國人壽海外合作，推出人壽保險手機投保服務。
若在路上見到有失卡，你會怎樣處理？有港男日前於路上見到有內地人在討論是否拾起地上的信用卡，他擔心會被盜用，故立即拾起去銀行讓櫃員機「食卡」，保障卡主免有財產損失。他拍下「食卡」畫面自保之餘，亦盼透過網絡讓卡主得悉事件及聯絡銀行。
惟港男的處理手法引來部份網民質疑犯法，或會被當盜用嫌犯，「如果張卡已經俾人盜用咗，然後那個人掉咗張卡喺條街度，你又好心幫佢入返落部機度，咁啱佢又報咗警，ATM個cctv又影到你，你覺得你會點？」。
不過更多網民就撐港男說，「好心你班鍵戰出少句聲啦，人哋而家咁樣食卡都好過俾啲別有用心人執咗」、「去ATM食卡係銀行建議做法嚟，ATM操作record同cctv先係正正幫個人洗脫嫌疑嘅方法」。
該港男於Threads發文寫出英文名通知信用卡卡主，指其滙豐Visa掉在路中心，「我幫你執咗，你聯絡銀行啦」。他另外附上1張銀行櫃員機「食卡」畫面。
有網民質疑港男做法是否犯法，建議應直接交予銀行職員或警署，港男就回覆說拾卡當日是周日，銀行未有開門營業，附近商場保安因非在商場內拾到拒絕接收，警署位置很遠，「我有喺滙豐app聯絡客服但未有人回我，同埋有影住個過程叫做做少少嘢自保，相信無事啩」。
有網民就批評，「如果張卡已經俾人盜用咗，然後那個人掉咗張卡喺條街度，你又好心幫佢入返落部機度，咁啱佢又報咗警，ATM個cctv又影到你，你覺得你會點？最簡單你剪咗張卡，佢自然會打去銀行cut卡，銀行咪又會寄畀佢，我覺得你多舊魚！」。
另有網民力撐港男做法沒有問題，「做好事又會俾人X多餘，你話香港社會唔冷漠點得，應該掂行掂過，咩都唔知咩都唔理就最唔多餘」、「作為之前做過解款，只可以話，呢個做法其實係可以，只要mark返低咁做嘅時間同邊個site邊部機，再打返去銀行hotline報返就得，不過如果隔籬有分行就最好拎返去分行」、「樓主已經好心地，唔明仲要鬧」、「發覺喺街執到嘢，無論個處理手法係點，都一定會有反對嘅聲音，點做都係錯」。
有網民則說，讓銀行櫃員機「食卡」後不用特別通知卡主，「唔使聯絡，試過食卡，等4個工作天就寄返張新畀你」、「銀行會自動補發新卡畀佢，舊嗰張會直接銷毀」。
