黃金周疑內地客旺角天橋亂拋垃圾!港女斥無公德心:返你屋企扔啦

黃金周疑內地客旺角天橋亂拋垃圾!港女斥無公德心:返你屋企扔啦
撰文:桃樂斯
出版:更新:

【5.1黃金周/黃金週】內地五一黃金周長假期開始,不少內地旅客選擇來港,其中東鐵線旺角東站外的行人天橋是打卡熱點,惟有港女在天橋上目擊疑似內地男子亂拋垃圾一幕,只見對方將捏成一團的紙巾拋到地面,動作非常自然流暢。港女見狀感不滿,故於網上公開片段,批評對方缺乏公德心,怒斥「返你屋企扔啦」、「黐X線」。

網民看片後紛紛譴責男子亂拋垃圾行為,「年青一代都咁衰,過多幾代都進步唔到」、「佢掉紙巾嗰陣,已經掉埋個公德心同良心」。不過,有人就質疑樓主只作事後公審,當場未出言制止,「當場又唔做啲嘢話佢,其實嗰個人下次都係會繼續做呢啲劣行,公審條片上嚟有乜嘢意思?」,感嘆「有無人夠膽做義務風紀隊,專提點下家人們」。

疑似內地旅客於旺角天橋亂拋垃圾,直擊港女遂於網上公審,批對方沒有公德心。(threads圖片)
疑似內地旅客於旺角天橋亂拋垃圾,直擊港女遂於網上公審,批對方沒有公德心。(threads圖片)

目擊港女於周四(5月1日)在threads帳號發帖,指當時途經旺角東某條行人天橋,發現不少人正在拍照,於是拿出手機拍片記錄現場人多擠擁,卻意外拍到有男子亂拋垃圾一幕。

疑內地客五一黃金周訪港 旺角天橋亂拋垃圾

從影片可見,1名穿着黑色上衣的男子,與女伴靠欄杆查看手機,他突然伸出右手,將捏成一團的紙巾拋落地面,動作自然而流暢。樓主估計男子為內地遊客,不滿對方缺乏公德心舉動,遂公審到上,留言怒斥「落嚟香港就唔使負責任?返你屋企扔啦」。

穿着黑色上衣的男子,和女伴靠欄杆查看手機。(threads影片截圖)
他突然伸出右手,將捏成一團的紙巾拋落地面。(threads影片截圖)
他突然伸出右手,將捏成一團的紙巾拋落地面。(threads影片截圖)

男子亂拋垃圾行為被轟缺德

片段引來眾多網民批評片中男子行為缺德,「年青一代都咁衰,過多幾代都進步唔到」、「佢掉紙巾嗰陣,已經掉埋個公德心同良心」、「算啦,質素都唔同,個腦無呢樣嘢就係無」、「唔怪之得頭先8點幾行過條橋咁X污糟,行咁耐未試過咁多垃圾」、「我會執起佢放入佢條女個袋,同佢講:『你跌咗嘢幫你執返,唔使客氣』」、「佢哋已經習慣咗,去咩地方都係咁嘅行為」,又揶揄「捉人罰錢嗰班去晒邊?呢幾日大把機會」。

旺角亞皆老街成為內地旅客近年新興的打卡熱點。(小紅書圖片)
內地旅客離開港鐵站後,立即到旁邊的打卡熱點朝聖。(潘耀昇攝)

網民質疑公審無用:唔現場鬧佢有鬼用咩?

不過,有人認為樓主公審無助事件,「你唔喺現場鬧爆佢,放上網有鬼用咩」、「當場又唔做啲嘢話佢,其實嗰個人下次都係會繼續做呢啲劣行,公審條片上嚟有乜嘢意思?」、「有無人夠膽做義務風紀隊,專提點下家人們」。樓主之後回覆指,當時曾有停下怒瞪男子,但對方「睥住我,好似想打我咁」。

亂拋垃圾可被罰款3,000元

根據香港法例《公眾潔淨及防止妨擾規例》第132章附屬法例第4(1)條,任何人將扔棄物,或廢物棄置在公眾地方乃屬違法行為,違例者可被罰款3,000元。

(threads@stuckinmymin)

正在加載