香港人一向愛睇戲，鄭秀文的演出更是港人熱捧之選，《孤男寡女》﹑《瘦身男女》﹑《我左眼見到鬼》或《百年好合》，總有一套你會記得，Sammi在音樂和電影都有極高的成就，唱紅過不少K歌或電影主題曲，今年她更宣布會舉行Side Track音樂會，並重組歌迷會，今日介紹的就是當年的非主打《回來我身邊》。
《回來我身邊》是《我左眼見到鬼》插曲，由陳輝陽作曲，林夕填詞。歌詞其實好空虛，同時亦有一種自欺欺人的感覺，「道別了怎可再見/就像這一生再精彩也得一次童年」﹑「仍然信你狡辯/若我聽教你便回來我身邊」﹑「明知等不到亦要等/還好有眼淚來陪襯」。
天后鄭秀文（Sammi）在澳門威尼斯人金光綜藝館，舉行八場「You & Mi鄭秀文澳門演唱會2025」圓滿結束，昨晚尾場，壓軸表演嘉賓林保怡，二人合唱國語歌《演員》，他們私交甚篤，Sammi更笑言跟保怡學格價做師奶。
每晚演唱會「眼淚系列」環節，現場螢光幕都會播出一段Sammi與林保怡的劇場作引旨，昨晚二人終於在舞台上合體，全場歡呼。Sammi身穿Han Kjøbenhavn貼身長裙、佩戴HOUSE OF MALAKAI首飾華麗登場，宣布尾場表演嘉賓林保怡。林保怡透露逾十年沒有在舞台上演唱，非常開心。Sammi說：「超過十年？大家真係好有福氣。其實我同保怡私底下有聯系，會約出嚟食飯見面，我哋好啱嘴型，好好傾。」林保怡說：「我諗係緣份！」Sammi透露會向他請教演戲，亦很欣賞其生活態度，她說：「佢真係好down to earth（貼地），平時湊吓狗仔、買吓餸、格吓價，令我真係變咗師奶，知道邊度買嘢平。」
Sammi落台換衫，保怡留步在台上笑說：「大家有冇諗過我嚟做嘉賓會唱咩歌？例如『如果⋯⋯』。」觀眾以為他唱《年少無知》立即起哄，他鬼馬地繼續唱「如果⋯⋯太多牛奶味」，結果他演唱英文歌《Better Man》。
Encore環節，Sammi繞場演唱《不要驚動愛情》時，見到觀眾席上最近積極抗癌的吳忻熹（前名吳文忻），立即停下腳步向著她唱歌，唱到「這份情像翅膀打開」歌詞時，指住吳忻熹說：「加油，唔使怕，天父愛你！」並一直對住她唱歌，而她就站在第一排跟住唱。Sammi唱到「生老病死 一起細數歌」後，緊握拳頭向她說「加油」，Sammi更一度哽咽抹眼淚。
演唱結束，觀眾不肯散場仍繼續熱情地嗌encore，寵粉Sammi見狀再次上台。因為大會已收起音響器材，包括咪高峰，所以Sammi無法唱歌，她跑勻全場，向四面台觀眾揮手道別和鞠躬致謝。慶功宴上，Sammi接受台前幕後掌聲，大合照時表現興奮，八場澳門演唱會圓滿成功。
